వారం రోజుల్లోనే క్లాస్ లో బ్యాచ్ లు ఏర్పడ్డాయి. మా బ్యాచ్ మొత్తం నలుగురం గీత , స్వర్ణ, సౌజన్య,నేను..
రోజు రాగ్ చేస్తూనే ఉన్నారు. ఫ్రెషర్స్ పార్టీ వరకు చేస్తారట. ఏరోజుకారోజు హమ్మయ్య డే కంప్లీట్ అయ్యింది తప్పించుకున్నాము అనుకునేవాళ్ళము..
సీనియర్స్ వస్తున్నారంటే ఎస్కేప్ అయ్యవాళ్ళము. ఇప్పుడు లంచ్ అవర్ , లీషర్ అవర్ కోసం wait చేసి వస్తున్నారు మమ్మల్నీ రాగ్ చేయడానికి.
ఆ రోజు లీషర్ అవర్..క్లాస్ వాళ్ళంతా క్యాంటీన్ కి వెళ్లారు,,క్లాస్ లో ముగ్గురం మిగిలాము. ఇద్దరు సీనియర్స్ క్లాస్ లో కి ఎంటర్ అయ్యారు..
వచ్చి కూర్చొని మిగిలిన ఇద్దరు అమ్మాయీలతో చిట్ చాట్ చేస్తున్నారు. ఇంతలో ఒకతను నా వైపు చూసి
“హేయ్ ఆముక్త ఏమీ చేస్తునావు?”
“Nothing సర్ చెప్పండి” అన్నాను చదువుతున్న్న బుక్ ని మూసెస్తూ.
“హౌ ఇస్ కాలేజ్ అండ్ ఆల్”
“గుడ్”
“you want to know anything about the college”
ఒక నిమిషం ఏమీ అడగాలో అర్థం కాలేదు.. వీళ్ళని ఏమీ అడిగితే ఎలా రియాక్ట్ అవుతారో తెలీదు అంటూ ఆలోచనలో పడిపోయాను.
“హేయ్ come on ask anything, i will answer “
“సర్ మీ క్లాస్ టాపర్ ఎవరు?” ఏమీ మాట్లాడాలో తెలియక casual గా అడిగాను. అలా అడగడం కూడా తప్పెనని తరువాత తెలిసింది….
అతను నవ్వేసి ఊరుకున్నాడు..
ఇదంతా దూరంగా కూర్చుని వింటున్నా ఇంకొక అతను మాకు దగ్గరగా వచ్చి..
“చెప్ప రా మన క్లాస్ టాపర్ ఎవరో ” అంతటితో ఊర్కోకుండా “ఈ year వీళ్ళ క్లాస్ టాపర్ ఈ అమ్మాయే యూ నో” అంటూ పగలబడి నవ్వాడు. నాకర్థం అవ్వలేదు అందులో అతను ఎగతాళి చేయాల్సిన విషయం ఏముందనేది.
“ఏమీ ఎందుకు ” అని అడిగాడు నేను అడిగిన అతను.
“జస్ట్ తెల్సుకుందామని”
ఛా అనవసరంగా అడిగానే వీళ్ళని ,అయిన తప్పుగా ఏమీ అడగలేదే.. మాట్లాడకుండా ఊరుకోవాల్సింది.. తప్పు చేశాను… ఏంటి ఇంత ఎక్కువగా ఆలోచిస్తున్నాను లైట్ అనుకుంటూ క్యాంటీన్ లో టీ తాగడానికి బయలుదేరాను.
క్లాస్ ఎంట్రెన్స్ దగ్గర వీళ్ళిద్దరితో పాటు ఇంకో ముగ్గురు సీనియర్స్ జత కూడి అడ్డంగా నిలుచున్నారు.
“Excuse me Sir”
” హేయ్ జరగండ్ర సౌజన్య వెళుతుందట” అన్నాడు ఇంతకు ముందు ఎగతాళి గా మాట్లాడిన అతను.
” సర్ నా పేరు సౌజన్య కాదు ఆముక్త..first నా పేరు కరెక్ట్ గా చెప్పండి” మెల్లగా నవ్వుతూ చెప్పాను.
అతనికి నా సమాధానం లో వెటకారం బాగా తగిలిందని next తను రియాక్ట్ అయిన తీరు చూస్తే అర్థం అయింది
“ఏయ్ next వీళ్ళ క్లాస్ టాపర్ ఈ అమ్మాయే తెలుసా” అని టిట్ ఫోర్ టాట్ అన్నట్టు చూసాడు నా వైపు.
ఒరగా చూసాను. అందరు నవ్వుతున్నారు. ఆరోజే నిర్ణయించుకున్నాను క్లాస్ టాప్ చేయాలని.
చేస్తారు మీరు తప్పకుండా టాప్ చేస్తారు…మీరు చేస్తారు నాకు తెలుసు…ఆ తర్వాతా ???